Policia e Kosovës ka njoftuar se një 15 vjeçar me inicialet N.SH. sot ka gjetur një 180 euro dhe të njëjtat i ka dorëzuar në stacionin policor.

Pas veprimeve të menjëhershme verifikuese nga ana e zyrtarëve policorë, është arritur të identifikohet pronarja e këtyre parave, qytetarja me inicialet F.H., nga Shtimja.

Në prezencën e policisë, shuma prej 180 eurosh i është kthyer pronares, e cila falënderoi nxënësin për gjestin e tij.

Drejtoria Rajonale e Policisë në Ferizaj, falënderon nxënësin N.SH. për këtë veprim human dhe shembullor.
Ky akt dëshmon jo vetëm edukatën e tij familjare, por edhe besimin e qytetarëve te policia.

Me këtë rast, policia i uron nxënësit shumë shëndet dhe suksese në procesin mësimor dhe në të ardhmen, duke inkurajuar të gjithë qytetarët që për raste të tilla të bashkëpunojnë me policinë./Arbresh.info